Эртең Бишкектин айрым көчөлөрү жабылат

Эртең, 10-октябрда Чүй облусунун 100 жылдык мааракесине арналган майрамдык иш-чараларга байланыштуу Ала-Тоо аянтынын аймагында айрым көчөлөрдө жол кыймылына убактылуу чектөөлөр киргизилет. Бул тууралуу Милициянын кайгуул кызматы башкармалыгы билдирет.

Чектөөлөр төмөнкү көчөлөргө киргизилет:

• Чүй проспектиси – Эркиндик бульвары;
• Чүй проспектиси – Панфилов көчөсү;
• Панфилов – Пушкин көчөлөрү;
• Панфилов – Абдумомунов көчөлөрү;
• Фрунзе – Орозбеков көчөлөрү;
• Фрунзе – Раззаков көчөлөрү;
• Эркиндик бульвары – Абдумомунов көчөсү.

Кайгуул кызматы каттамдарды алдын ала пландап, альтернативдүү жолдорду пайдаланууну суранат.