.
Президенттин Иш башкармалыгы 5-октябрда өтө турган «Бишкек Арена» стадионунун ачылыш аземине жетим балдарга жана балдар үйлөрүнүн бүтүрүүчүлөрүнө 100 VIP-билет бөлдү. Бул тууралуу «Жетим балдардын укугун коргоо» коомдук фондунун жетекчиси Игорь Беляев билдирди.
Президенттин Иш башкармалыгы маалыматты тастыктап, билеттер Садыр Жапаровдун атынан берилип жатканын маалымдады.
Мындан тышкары, стадиондогу 106 жана 108-секторлор майыптыгы бар жарандар үчүн бөлүнгөн. Ал эми 138, 139 жана 140-секторлордогу орундардын бир бөлүгү белгилүү спортчуларга арналган.
Аталган секторлордо калган бош орундар стадиондун расмий баракчасы аркылуу коомчулук арасында ойнотулары айтылды.
Игорь Беляевдин айтымында, стадиондун ачылышына балдар үйлөрүнүн тарбиялануучулары менен бүтүрүүчүлөрүнүн катышуусу алар үчүн өзгөчө маанилүү окуя болот.
