Дагы миңдеген адамдар жаракат алып, урандылардын алдында калгандарды издөө-куткаруу иштери уланууда.
Маалыматка ылайык, 24-июнда өлкөнүн түндүгүндө дээрлик удаалаш эки жер титирөө катталган. Биринчисинин күчү 7,2 балл болсо, экинчиси 7,5 баллга жеткен. Жер титирөөнүн очогу борбор калаа Каракастан батыш тарапта жайгашып, силкинүү өлкөнүн бир катар аймактарында жана коңшу мамлекеттерде да сезилген.
Табигый кырсыктан өзгөчө Ла-Гуайра аймагы катуу жабыркап, ондогон имараттар урап, электр энергиясы жана байланыш үзгүлтүккө учураган. Бийлик өзгөчө кырдаал режимин киргизип, жабыркагандарга жардам көрсөтүү иштерин күчөттү. Эл аралык уюмдар жана бир катар мамлекеттер Венесуэлага гуманитардык жардам жөнөтөрүн билдиришти.
