Көздөрүнө жаш алып. Быйыл өлкө боюнча 55 бүтүрүүчү "алтын сертификатка" ээ болушту

Министрликтин маалыматына ылайык, эң жогорку көрсөткүч — 239 балл. Мындай жыйынтыкка эки окуучу жетишкен. Алар: Нарын облусунун Кочкор районундагы Нинакан Жүндүбаева атындагы мектептин бүтүрүүчүсү Айдай Абылаева жана Баткен облустук мектеп-гимназия интернатынын бүтүрүүчүсү Сезимай Акматова.

Агартуу министри Догдуркүл Кендирбаева эки бүтүрүүчүгө телефон аркылуу байланышып, ийгилиги менен куттуктап, жакшы каалоолорун айтты.

236 балл менен экинчи орунду төрт окуучу бөлүштү:

• Беназир Бактыбекова — Бишкек шаарындагы "Брайт" эл аралык мектеби;
• Акмат Бердибеков — Чүй облусундагы Байтик Канай уулу атындагы мектеп;
• Иса Мамытов — Каракол шаарындагы Хусейин Карасаев атындагы Ысык-Көл лицейи;
• Айлин Салимбекова — Бишкек шаарындагы "Прайм Спектрум" мектеп-комплекси.

Жогорку упай алган 55 бүтүрүүчүнүн толук тизмеси Агартуу министрлигинин расмий сайтына жайгаштырылды.

Белгилей кетсек, "алтын сертификаттын" ээлери Кыргызстандагы каалаган жогорку окуу жайына конкурстан тышкары тапшыруу мүмкүнчүлүгүнө ээ.

Салыштыруу үчүн айтсак, 2025-жылы ЖРТдагы эң жогорку көрсөткүч 242 балл болуп, аны Бишкектеги №70 мектептин бүтүрүүчүсү Атай Эстебесов алган.