Иран АКШ жана Израиль менен сүйлөшүүгө баруу ниети жок экенин өлкөнүн тышкы иштер министри Аббас Аракчи билдирди.
Анын айтымында, Тегеран ок атууну убактылуу токтотууга макул эмес жана согуштун толук, туруктуу аякташын гана көздөйт. “Биз убактылуу тынчтыкты эмес, маселени биротоло чечүүнү каалайбыз”, — деди министр.
Акыркы үч жумага жакын убакыттан бери АКШ, Израиль жана Иран ортосунда чыңалуу күчөп, тараптар бири-бирине сокку уруп келет. Израиль Ирандын өзөктүк куралга ээ болуусуна жол бербөөнү көздөсө, АКШ өлкөнүн аскердик мүмкүнчүлүгүн алсыратууну көздөй турганын билдирүүдө.
