Бишкекте №132 бала бакча капиталдык оңдоодон кийин кайра ачылып, орун саны 280ге чейин көбөйтүлдү.
Бишкек шаарында №132 бала бакчанын капиталдык оңдоп-түзөөдөн кийинки салтанаттуу ачылышы болуп өттү. Иш-чарага шаар мэри Айбек Джунушалиев катышты.
Ачылыш аземине шаардык кеңештин өкүлдөрү, муниципалдык кызматтардын жетекчилери жана жергиликтүү тургундар да катышты.
Жаңыдан жаңыланган бала бакча 140 орунга ылайыкталган, бирок оптималдаштыруу аркылуу 280 орунга чейин кеңейтилди. Эки кабаттуу имараттын жалпы аянты 1100 чарчы метрди түзөт.
Капиталдык оңдоо иштеринин алкагында имарат толук жаңыланып, бардык инженердик тармактар — жылуулук, электр, суу жана канализация системалары алмаштырылды. Ошондой эле заманбап оюн аянтчалары курулуп, аймак жашылдандырылды.
Белгилей кетсек, имарат 1971-жылы курулуп, буга чейин мектеп катары пайдаланылып келген. Реконструкциядан кийин кайрадан мектепке чейинки билим берүү мекемеси катары ишке берилди.
