.
Лондондо туристтик индустриядагы ири эл аралык көргөзмөлөрдүн бири — World Travel Market (WTM) London 2026 ишин баштады. Анда Кыргызстан өзүнүн туристтик потенциалын дүйнөлүк коомчулукка таанытууда.
Көргөзмөнүн ачылышына Кыргызстандын Улуу Британиядагы элчиси Омар Султанов жана Туризмди өнүктүрүү боюнча мамлекеттик агенттиктин директорунун орун басары Малика Молтоева катышты.
Иш-чаранын биринчи күнүндө кыргыз делегациясы улуттук стендде ишин баштап, чет өлкөлүк конокторго өлкөнүн туристтик мүмкүнчүлүктөрү, кайталангыс жаратылышы, маданий мурастары жана туризмдин келечектүү багыттары тууралуу маалымат берүүдө.
WTM London 2026 көргөзмөсүнө катышуу Кыргызстанга эл аралык кызматташтыкты кеңейтүүгө, жаңы ишкердик байланыштарды түзүүгө жана өлкөнү дүйнөлүк туристтик рынокто жагымдуу багыт катары таанытууга мүмкүнчүлүк берет.
