Ысык-Көл облусунда Балык өнөр жайы комплекси департаментине жаңы моторлуу кайык тапшырылды. Бул тууралуу 2026-жылдын 1-апрелинде маалым болду.
Тоң райондук мамлекеттик администрациясы тарабынан «Тактика-490» үлгүсүндөгү кайык 60 ат күчүндөгү асма кыймылдаткычы жана чиркегичи менен комплектте расмий өткөрүлүп берилди. Иш-чара Ысык-Көл облусун өнүктүрүү фондун башкаруу боюнча дирекциянын колдоосу менен ишке ашты.
Жаңы техника көлдөгү балык запастарын коргоо, жасалма көбөйтүү иштерин үзгүлтүксүз жүргүзүү, ошондой эле мыйзамсыз балык уулоого каршы күрөшүү жана экологиялык көзөмөлдү күчөтүү максатында колдонулат.
